23 October 2017
2017 yil 14 oktabrda “ALSKOM” SK AJ da barcha tarkibiy bo’linmalar ishtirokida 2017 yilning 9 oy yakunlari bo’yicha yig’ilish bo’lib o’tdi. Mazkur yig’ilishda sug’urta tushumlari reja ko’rsatkichining bajarilishi, Kompaniya departamentlari faoliyati, hududiy filiallarning keyingi chorakdagi ustuvor vazifalari hamda barcha hududiy filiallarda joriy etilgan o’zini-o’zi moliyalashtirish natijalari samaradorligini oshirish bundan tashqari aniqlangan kamchiliklarni bartaraf etish va boshqa masalalar ko’rib chiqildi.
Kompaniya tomonidan 2017 yil 9 oy davomida jami yig’ilgan sug’urta mukofotlari hajmi o’tgan yilning shu davriga nisbatan 121% ga o’sish ko’rsatkichini ko’rsatdi. Tuzilgan sug'urta shartnomalari soni 256 ming donani tashkil qildi. Hisobot davrida jami 10279 ta sug’urta da’volari ko’rilib bartaraf qilindi va 8mlrd. 47 mln. so’m sug’urta qoplamasi to’lab berildi. Kompaniyaning sug’urta sohasidagi faoliyati kengayishi va mijozlar safini ko’payishi natijasida to’langan sug’urta qoplamasi miqdori o’tgan yilning shu davriga nisbatan 240% ni tashkil qildi.
O’z faoliyatini yanada kengaytirish maqsadida, Kompaniya o’tgan 9 oy davomida qo’shimcha 20 ta bo’linmalarini tashkil etdi. Ushbu bo’linmalar Navoiy, Andijon, Surxondaryo, Sirdaryo, Farg’ona, Buxoro, Xorazm va Toshkent viloyatlarida hamda Toshkent shahar filiallarida tashkil etildi. Bugungi kunga kelib, Kompaniyaning 15 ta hududiy filiallari va 118 ta tarkibiy bo’linmalari mavjud.
Kompaniya hududiy filiallarining jadallashuvi kuzatilmoqda. Hisobot davridagi umumiy sug’urta tushumida Kompaniya hududiy filiallarininig ulushi 92% tashkil etadi
Bundan tashqari, yig’ilishda Kompaniya hududiy filiallari faoliyatini yanada yaxshilash, xodimlar mehnat unumdorligini oshirish hamda Kompaniya faoliyatini rivojlantirishga taalluqli boshqa masalalar ko’rib chiqildi.
Yig’ilishda ko’rib chiqilgan masalalar bo’yicha tegishli qarorlar qabul qilindi.