Shrift o‘lchami: A A
Sayt rangi: A A

ҲУРМАТЛИ «ALSKOM» СК АЖНИНГ АКЦИЯДОРЛАРИ!

29 January 2020

«ALSKOM» СК АЖ Кузатув Кенгаши Сизга шуни маълум қиладики, 2020 йил 24 январда Ўзбекистон Республикаси Капитал бозорини ривожлантириш Агентлиги қўшимча 7 250 000 дона оддий номли ҳужжатсиз акцияларни «ALSKOM» СК АЖ чиқариши тўғрисида П0170-15-сонли қарорни рўйхатдан ўтказди. Ҳар бир акциянинг номинал қиймати 1 380 сўм.

Уставга ва чиқарилган қарорга мувофиқ, «ALSKOM» СК АЖнинг оддий (овозли) акциялар эгалари, улар эгалик қиладиган оддий акциялар сонига мутаносиб равишда оддий (овозли) акцияларни сотиб олишда устунликка эгадирлар. Қўшимча акцияларни сотиб олиш имтиёзли ҳуқуқи 2019 йил 27 декабр ҳолатига келиб шакллантирилган акциядорлар реестрида қайд этилган «ALSKOM» СК АЖнинг оддий (овозли) акцияларининг эгалари - акциядорларга берилади.

Имтиёзли ҳуқуқ ушбу хабар эълон қилинган кундан бошлаб 14 кун давомида амал қилади.

«ALSKOM» СК АЖ Кузатув Кенгашининг 2020 йил 29 январдаги қарорига биноан, акцияларни жойлаштириш нархи бир дона учун 1400 сўм миқдорида белгиланди.

«ALSKOM» СК АЖга акциядорнинг исми (номи) ва яшаш жойи (жойлашган жойи), у олмокчи бўлган акциялар сони ва тўлов ҳақида ҳужжатни ўз ичига олган ёзма ариза юбориш орқали, имтиёзли ҳуқуқга эга бўлган акция эгаси ўз ҳуқуқини тўлиқ ёки қисман амалга ошириш ҳуқуқига эга. Бундай ариза «ALSKOM» СК АЖ томонидан имтиёзли ҳуқуқ амал қилиш давомида топширилиши керак.

Имтиёзли ҳуқуқни бошқа шахсга ўтказишга йўл қўйилмайди.

Имтиёзли ҳуқуқни муддати тугагач, акциялар чексиз миқдордаги инвесторлар орасида очиқ обуна орқали жойлаштирилади.

Ўзбекистон Республикаси Капитал бозорини ривожлантириш Агентлигида 2020 йил 24 январда рўйхатга олинган акцияларнинг қўшимча чиқарилиши тўғрисидаги П0170-15-сонли Қарорнинг матни билан ва «ALSKOM» СК АЖ акцияларининг чиқарилиши тўғрисидаги маълумотни «ALSKOM» СК АЖнинг корпоратив веб-сайтида (www.alskom.uz), Ягона корпоратив маълумот порталида (www.openinfo.uz) ёки Республика фонд биржаси "Тошкент" (www.uzse.uz) веб-сайтида топишингиз мумкин.

Сизни қизиқтирган барча саволлар бўйича «ALSKOM» СК АЖнинг Бош офисига қуйидаги манзил бўйича мурожаат қилишингиз мумкин: Ўзбекистон Республикаси, 100084, Тошкент шаҳри, Амир Темур шоҳ кўчаси, 109, info@alskom.uz. Мурожаат учун телефон: (78) 147-11-00.


«ALSKOM» СК АЖ Кузатув Кенгаши


Возврат к списку