Transport vositalari egalarining fuqarolik javobgarligini majburiy sug'urta qilish

O‘zingizni va atrofdagilarni himoya qiling – “ALSKOM SUG‘URTA KOMPANIYASI” AJda TVE FJMS polisi rasmiylashtiring

O‘zbekiston Respublikasining “Transport vositalari egalari fuqarolik javobgarligini majburiy sug‘urta qilish to‘g‘risida”gi Qonuniga muvofiq, har bir transport vositasi egasi o‘zining uchinchi shaxslar oldidagi fuqarolik javobgarligini majburiy sug‘urta qilishi shart.

Agar yo‘l-transport hodisasi (YTH) natijasida boshqa yo‘l harakati ishtirokchilarining hayoti, sog‘lig‘i yoki mol-mulkiga zarar yetkazilsa, sug‘urta kompaniyasi qonunchilikda belgilangan limitlar doirasida ushbu zararni sizning o‘rninggizga qoplaydi.

TVE FJMS nimalarni qoplaydi?

Uchinchi shaxslar hayoti va sog'lig'iga etkazilgan zarar
Agar YTH natijasida jabrlanuvchilar jarohatlansa yoki vafot etsa.

Uchinchi shaxslarning mol-mulkiga yetkazilgan zarar Boshqa avtomobillar, binolar yoki boshqa ob’ektlarga YTH natijasida yetkazilgan zarar.

Kimlarga TVE FJMS polisi kerak?

Ushbu sug‘urta polisi O‘zbekiston Respublikasida ro‘yxatdan o‘tgan barcha transport vositalari egalari uchun majburiy hisoblanadi.

“ALSKOM SUG‘URTA KOMPANIYASI” AJda TVE FJMS polisining afzalliklari:

• Elektron polis – ofisga borish shart emas
• Tezkor rasmiylashtirish – atigi 5 daqiqa
• 24/7 qo‘llab-quvvatlash
• 28 yillik tajribaga ega ishonchli hamkor
• Qonunchilikka muvofiq kafolatlangan to‘lovlar

Polisni qanday rasmiylashtirish mumkin?

1. “Rasmiylashtirish” bo‘limiga o‘ting
2. Transport vositasi va egasi haqida ma’lumot kiriting
3. Polis uchun onlayn to‘lovni amalga oshiring
4. Elektron polisni e-mail yoki telefon orqali qabul qiling

DIQQAT! Agar transport vositasi boshqaruvi bir nechta shaxslarga ruxsat etilgan bo‘lsa, TVE FJMSpolisiga ularning ma’lumotlari ham qarindoshlik darajasini ko'rsatgan holda kiritilishi lozim.

“ALSKOM SUG‘URTA KOMPANIYASI” AJ – yo‘lda Sizning ishonchli sug‘urta hamkoringiz!

Yo‘l-transport hodisasi (YTH) sodir bo‘lgan taqdirda, biz jabrlanganlarga quyidagi tovon puli to‘laymiz:

Sug‘urta summasi, kompaniyaning javobgarlik miqdori − 80 000 000 so‘m, shundan:

• mol-mulkka yetkazilgan zarar uchun – 35% (28 000 000 so‘m)
• hayot va sog‘liqqa yetkazilgan zarar uchun – 65% (52 000 000 so‘m)

Agar YTH sodir bo‘lsa nima qilish kerak?

1. Avtomobilni to‘xtating va avariya signalini yoqing
   
2. Avariya to‘xtash belgisini qo‘ying
   
3. Zarurat tug‘ilganda 112 raqamiga qo‘ng‘iroq qilib, favqulodda xizmatlarni chaqiring
   
4. YTHni Yevroprotokol orqali yoki YHXX (GAI) xodimlarini chaqirish orqali rasmiylashtiring

Yevroprotokol – bu YTHni ichki ishlar organlari xodimlarisiz, hodisa to‘g‘risida xabarnoma tuzish yo‘li bilan rasmiylashtirish imkoniyatidir.

Ushbu imkoniyat bilan batafsil tanishish uchun quyidagi havola orqali o‘ting:

Ma’lumot uchun telefon: 55-518-11-00

Sug‘urta hodisasi bo‘yicha zararlarni qoplash tartibi

Yo‘l-transport hodisasi (YTH) YHXX (GAI) ishtirokida rasmiylashtirilganda:

Sug‘urta to‘lovi to‘g‘risidagi talabi ko‘rsatilgan ariza quyidagi hujjatlar ilova qilgan holda uch ish kuni ichida topshirilishi lozim:

1. Jabrlanuvchining arizasi, quyidagilarni  nusxasi yoki aslini ilova qilgan holda:
2. sug‘urta polisi (mavjud bo‘lsa);
3. zarar yetkazilganini va uning miqdorini tasdiqlovchi hujjatlar: YTH bo‘yicha xulosa yoki qaror, tibbiy muassasa ma’lumotnomasi, o‘lim to‘g‘risidagi guvohnoma;
4. mol-mulkka yetkazilgan zarar va uning miqdorini tasdiqlovchi hujjatlar (mol-mulkka yetkazilgan zararni baholash hisoboti);
5. jabrlanuvchining shaxsini tasdiqlovchi hujjat;
6. meros huquqini yoki vorislikni tasdiqlovchi hujjatlar (agar to'lov merosxo‘rlar yoki huquqiy vorislarga amalga oshirilish lozim bo'lsa).

YTH "Yevroprotokol" orqali rasmiylashtirilganda:

Yo‘l-transport hodisasi haqida xabarnoma uch ish kuni ichida quyidagi hujjatlar ilova qilgan holda yuborilishi kerak:

• ariza;
• yo‘l-transport hodisasi joyining (avtotransport vositalari to‘qnashgan joyning (vaziyat o‘zgartirilmagan holdagi), transport vositalarining fotosurati va (yoki) videoyozuvi, transport vositalarining shikastlangan qismlarining fotosurati va (yoki) videoyozuvi;
• YTH haqida xabar berilgan vaqtdan boshlab to‘rt soat ichida tuzilgan mastlik holatini aniqlash bo‘yicha tibbiy ko‘rik bayonnomasi;
• transport vositasini boshqarish huquqini tasdiqlovchi hujjatlarning, transport vositasining ro‘yxatdan o‘tganligini tasdiqlovchi hujjatlarning hamda sug‘urta polisining nusxalari.

Transport vositalarini ko‘zdan kechirish, mustaqil ekspertiza, zararning miqdorini belgilash uchun baholashni tashkil etish sug‘urtalovchi tomonidan amalga oshiriladi.

Ma’lumot uchun telefon: 55-518-11-00